Міжнародны дзень тэатра. Гэта таксама свята Тэатра Польскага радыё

Тэатр Польскага радыё штогод рыхтуе каля 160 прэм’ераў. 

Акторы працуюць у студыі Тэатра Польскага радыё

фота: Teatr PR

Сёння Міжнародны дзень тэатра. Гэта таксама свята Тэатра Польскага радыё, які ўжо амаль 100 гадоў займаецца вытворчасцю і трансляцыяй радыёспектакляў паводле арыгінальных сцэнарыяў і экранізацый радыёдрамаў, раманаў і паэзіі.

Тэатр Польскага радыё штогод рыхтуе каля 160 прэм’ераў. Гэта ўнікальнае месца – падкрэсліваюць акторы Марыя Пакульніс і Уладзімеж Прэс:

-Тэатр уяўлення з’яўляецца самым цудоўным тэатрам. Памятайма, што ён трапляе да мільёнаў слухачоў, у глядацкую залу. Можна сказаць гледачоў, паколькі мы словамі малюем наш стан, эмоцыі. Нашая задача, каб глядач самастойна пабачыў гэты свет.

-Каб слухач здолеў сам намаляваць зрокам, хоць гэта толькі музыка. Радыё – гэта цудоўная форма, паколькі актывізуе «шэрыя клеткі» падчас слухання.

Першым польскім радыёспектаклем стала экранізацыя драмы Станіслава Выспяньскага «Варшавянка», якая прагучала ў прамым эфіры 29 лістапада 1925 года ў пастаноўцы Мікалая Алойзы Кашына. Перадача была прысвечана святкаванню гадавіны Лістападаўскага паўстання.

Першай арыгінальнай радыёп'есай, напісанай адмыслова для Польскага радыё і выпушчанай у эфір 17 траўня 1928 года, было «Пахаванне Кейстута» Вітольда Гулевіча. Сярод найстарэйшых пастановак Тэатра Польскага радыё, якія вяшчаюцца з 1950-х гадоў і да нашых дзён, – штотыднёвыя радыёраманы: «Matysiakowie» і «W Jezioranach».

Міжнародны дзень тэатра быў заснаваны па ініцыятыве Міжнароднага інстытута тэатра ў 1961 годзе. Ён прысвечаны адкрыццю першага сезона Тэатра Нацый у Парыжы ў 1957 годзе, дзе сустрэліся каманды па абодва бакі «жалезнай заслоны». Дзень адзначаецца ў 62-і раз.

слухайце аўдыё

ав