Працы гісторыка гэтай установы, кандыдата навук Яцэка Ляхендры, - гэта першае такое дэталёвае даследаванне пра парламентарыяў, зняволеных у нямецкім канцлагеры Аўшвіц-Біркенаў.
Павел Савіцкі з прэс-службы музею нагадаў, што ў міжваенны час у Сейме было каля 1,7 тысяч дэпутатаў, з якіх у гады вайны загінулі каля 300. Каля 200 дэпутатаў загінулі ад рук нямецкіх акупантаў і больш за 100 — ад савецкіх.
Дэпутаты ў міжваеннай Польшчы складалі палітычную і грамадскую эліту адроджанай дзяржавы. Яны адыгралі ключавую ролю ў фарміраванні прававой, эканамічнай і сацыяльнай сістэмы краіны. Многія з іх, акрамя палітычнай дзейнасці, актыўна ўдзельнічалі ў барацьбе за незалежнасць у 1914-1921 гг.
У музеі адзначылі, што выданне складаецца з дзвюх частак. «Першая — сінтэтычны аналіз дзейнасці парламентарыяў перад вайной і іх лёсу падчас акупацыі, уключаючы падрабязнае апісанне абставін іх арышту, адпраўкі ў лагер, а затым побыту ў ім і адносін з іншымі вязнямі. Асаблівая ўвага нададзена прычынам іх гібелі і падпольнай дзейнасці ў лагеры. Другая частка змяшчае біяграфіі 70 парламентарыяў. Кожны з іх узбагачаны лагернымі дакументамі, фотаздымкамі і спісам выкарыстаных крыніц», — расказалі ва ўстанове.
Дагэтуль апублікавана некалькі даследаванняў, якія прадстаўляюць агульны лёс дэпутатаў і сенатараў падчас акупацыі. У новай кнізе гаворка ідзе толькі пра канцлагер Аўшвіц-Біркенаў. Аўтар, аднак, выказаў надзею, што гэта стане штуршком для глыбокіх даследаванняў гэтай групы ў іншых лагерах.
ав