11 лістапада ў самым цэнтры Варшавы пройдзе бясплатны фестываль з нагоды 105-й гадавіны аднаўлення незалежнасці. На Кракаўскім прадмесці шосты раз пройдзе фестываль «Незалежная».
Прысутных чакаюць канцэрты вядомых артыстаў, танцавальныя парады, шоу і ўрокі польскіх танцаў, тэатры і майстар-класы для самых маленькіх, паказ старадаўніх строяў і прагулкі на старадаўніх аўтамабілях. Госці разам будуць танцаваць паланэз.
Мерапрыемства адбудзецца на Кракаўскім прадмесці і ў бліжэйшых дворыках Варшаўскага ўніверсітэта, Акадэміі выяўленчага мастацтва і Міністэрства культуры і нацыянальнай спадчыны, а таксама ў Музеі Варшаўскага ўніверсітэта і ў галерэі «Акно культуры».
На вуліцы будзе распаўсюджвацца бясплатны «Кур'ер незалежнасці».
Будзе ўнікальная магчымасць падарожнічаць у часе: кожную гадзіну з балкона палаца Тышкевічаў Патоцкіх з прамовамі выступяць Юзэф Пілсудскі, Ігнацы Ян Падарэўскі, Раман Дмоўскі, Вінцэнты Вітас, Ігнацы Дашыньскі і Войцех Карфанты.
У некалькіх месцах будуць граць музычныя аркестры розных напрамкаў. А па вуліцы будуць хадзіць акторы «Жывога тэатру» на хадулях.
На выбар удзельнікаў Саскі палац падрыхтаваў дзве тэматычныя сцежкі: Прагулка з маршалам Юзэфам Пілсудскім і прагулка з Фрыдэрыкам Шапэнам.
Каля касцёла Унебаўзяцця Найсвяцейшай Панны Марыі і св. Юзэфа (паміж Прэзідэнцкім палацам і помнікам Адаму Міцкевічу) будзе праходзіць мультымедыйнае відовішча, размешчанае ў спецыяльна распрацаваным выставачнай прычэпе з выкарыстаннем сучасных візуальных тэхналогій, якое прадставіць гісторыі выбітных палякаў.
Падрабязны план фестывалю тут.
ав