98 працэнтаў муніцыпалітэтаў падалі заяўкі на суфінансаванне стратэгічных інвестыцый у рамках другога этапу Урадавай праграмы «Польскі парадак», паведаміў прэм'ер Матэвуш Маравецкі падчас падвядзення яе вынікаў:
- 98 працэнтаў польскіх муніцыпалітэтаў падалі заяўкі. Кожны з гэтых муніцыпалітэтаў атрымаў суфінансаванне на рэалізацыю, як мінімум, адной інвестыцыі.
Намеснік міністра ўнутраных спраў і адміністрацыі Павел Шэфернакэр (Paweł Szefernaker) сказаў, што найбольшыя патрэбы мясцовага самакіравання, гэта інвестыцыі ў дарогі, водазабеспячэнне і каналізацыю, спорт і адукацыю:
- У рамках другога набору заявак у будзе пабудавана або адрамантавана 3,5 тысячы кіламетраў дарог, 5 тысяч кіламетраў тратуараў і больш за 700 школ, пройдуць мадэрнізацыю або будуць пабудаваныя. Таксама будуць пабудаваныя больш за 20 інфраструктурных будынкаў для Добраахвотнай пажарнай аховы.
Мэтай праграмы стратэгічных інвестыцый, рэалізаванай у рамках «Польскага парадку» зʼяўляецца, у тым ліку, стымуляванне інвестыцыйнай актыўнасці органаў мясцовага самакіравання, развіццё мясцовага прадпрымальніцтва, паляпшэнне ўмоў жыцця грамадзян і стварэнне новых працоўных месцаў.
IAR/аз