Фінансавая сітуацыя Упраўлення сацыяльнага страхавання стабільная, запэўнівае прэс-сакратар установы. Нагадваем, Упраўленне сацыяльнага страхавання, між іншым, выплачвае палякам пенсіі.
Павел Жаброўскі(Paweł Żebrowski) адзначыў, што чарговы год запар ступень пакрыцця расходаў па выплатах, атрыманымі ўпраўленнем узносамі застаецца на рэкордным узроўні. У 2022 годзе гэта было 85 працэнтаў, летась на падобным узроўні:
- Кожны год Упраўленне сацыяльнага страхавання атрымлівае ўзносы, эквівалентныя дзвюм трэцім даходаў бюджэту дзяржавы. У 2023 годзе – гэта было больш за 400 мільярдаў злотых(больш за 92 мільярды еўра), у тым ліку больш за 260 мільярдаў злотых (амаль 60 мільярдаў еўра) у Фондзе сацыяльнага страхавання, з якога выплачваюцца пенсіі, пенсіі па інваліднасці і сацыяльнага дапамога.
Фонд сацыяльнага страхавання – гэта дзяржаўны мэтавы фонд, падзелены на некалькі частак, кожная з якіх адпавядае аднаму з відаў страхавання. Напрыклад, пенсійная частка, пенсійная па інваліднасці іг.д.
Паводле прэс-сакратара ўпраўлення, пра добрую фінансавую сітуацыю Упраўлення сацыяльнага страхавання сведчыць факт, што ў мінулым годзе ўстанова не скарысталася прапанаванай дзяржавай дапамогай у памеры 13 мільярдаў злотых (амаль 3 мільярдаў еўра).
IAR/аз