Польшча мае неабходную інфраструктуру, каб дапамагчы ў экспарце ўкраінскага збожжа

Экспарт украінскіх тавараў праз Польшчу можа быць карысным таксама для польскага боку.

Здымак мае ілюстрацыйны характар.

skyradar/pixabay.com/CC0 Public Domain

Польшча можа дапамагчы Украіне ў экспарце збожжа, заявіў міністр фінансаў і рэгіянальнай палітыкі. Гжэгаж Пуда(Grzegorz Puda) заявіў, што ў Польшчы ёсць адпаведная інфраструктура, якую можна выкарыстоўваць з гэтай мэтай. Міністр таксама адзначыў, што экспарт украінскіх тавараў праз Польшчу можа быць карысным для польскага боку:

- Дзякуючы інвестыцыям Міністэрства інфраструктуры ў нас ёсць неабходныя чыгуначныя, дарожныя і авіяспалучэнні. Па геаграфічным распалажэнні Польшча – натуральны каардынатар экспарту ўкраінскіх тавараў, у тым ліку збожжа, а раней таксама штучнага ўгнаення. У гэткай сітуацыі мы будзем спаганяць мыта пры згаданых пастаўках, а гэта даход у бюджэт дзяржавы.

Нагадваем, Расія заблакавала ўкраінскія парты ў Чорным моры. Амаль 22 мільёны тон украінскага збожжа чакаюць у партах. Блакада не дазваляе даставіць збожжа ў краіны Афрыкі і Блізкага Усходу, якім пагражае голад.

IAR/ аз