У Варшаве будуецца першы аўтаматызаваны бізнес-парк NordSpace, прыстасаваны да патрэб малых і сярэдніх кампаній. Памяшканні ў парку таксама можна выкарыстоўваць для хобі, паведамляе Puls Biznesu. Як піша газета, на ўскраіне Варшавы ля гарадка Ажараў Мазавецкі ўзнікае першы модульны склад для невялікіх кампаній плошчай у 5 000 квадратных метраў.
Бізнес-парк будзе складацца з больш чым 80 бізнес-боксаў, з якіх кожны прапануе 40-120 квадратных метраў плошчы. Модулі можна злучаць для атрымання большай паверхні. Адкрыццё бізнес-парка запланаванае на пачатак 2025 года.
NordSpace - гэта літоўскі інвестыцыйны фонд з капіталам прыватных інвестараў, які спецыялізуецца на будаўніцтве SBU (small business unit). Ён плануе выдзеліць некалькі дзясяткаў мільёнаў еўра на развіццё бізнес-паркаў у Польшчы.
Газета паведаміла, што зараз у Польшчы на рынку сучасных бізнес-паркаў пераважаюць большыя фарматы. Самыя маленькія сучасныя невялікія гарадскія склады звычайна займаюць некалькі сотняў квадратных метраў паверхні.
аз