Чаму амерыканцы, дамаўляючыся пра вызваленне палітвязняў, не паклапаціліся аб тым, каб людзей, калі і выкінулі з краіны, то зрабілі гэта з пашпартамі? Пытаемся пра гэта ў палітолага Паўла Усава.
- Межы дамоўленасцей былі вельмі маленькія. Амерыканцы ніяк не маглі ўмешвацца ў працэдуры, як і ў пытанне, куды вывезуць зняволеных. Пачаткова чакалася, што іх вывезуць у Літву, а потым, па сутнасці ноччу, улады вырашылі памяняць маршрут. Думаю, гэтае пытанне было не ў кампетэнцыі амерыканцаў. Думаю, яны нават не хацелі выстаўляць дадатковыя ўмовы. Для іх праграма максімум – вызваленне палітычных вязняў. Яны была асноўнай і прыярытэтнай, яны гэтага дасягнулі.
Калі казаць пра дакументы, то тут задача апазіцыйных структур, якія разумеюць, якія працэсы адбываюцца. Сістэма павінна была быць даўно адпрацаваная, сыходзячы з таго, як выкінулі першую групу людзей. Тым не менш, мы бачым, што ні ў Літве, ні ў Польшчы ўлады і апазіцыйныя структуры не падрыхтаваныя.
У далучаным гукавым файле слухайце поўны каментар Паўла Усава аб спрэчных выказваннях палітычных актараў 2020 года.
слухайце аўдыё