Алесь Пушкін — выбітны беларускі мастак і перформер, актыўны грамадскі дзеяч. Яму пагражае ад 5 да 12 гадоў турмы за яго карціну — партрэт удзельніка антысавецкага пасляваеннага падполля Яўгена Жыхара (не прызнаны ваенным злачынцам ні ў адной краіне свету).
Гэтая карціна не раз выстаўлялася ў дзяржаўных і замежных галерэях, але сёлета беларускія ўлады палічылі, што яна «рэабілітуе і апраўдвае нацызм». На Алеся Пушкіна і Паўла Мажэйку, уладальніка Цэнтра гарадскога жыцця, дзе карціна выстаўлялася ў сакавіку 2021, завялі крымінальную справу за распальванне нацыянальнай, расавай і іншай варожасці групай асобаў.
6 жніўня Алесь Пушкін адсвяткаваў свой 56-ты Дзень народзін у турме. Яго сябры-музыкі: Піт Паўлаў і гурт N.R.M., Алег Хаменка, Аляксандр Памідораў, Андрэй Мельнікаў, Андрусь Такінданг і гурт "Рэха" — сабраліся разам, каб праспяваць песні ў яго гонар і заклікаць падтрымаць Алеся ды яго сям’ю, а таксама ўсіх палітычных вязняў.
Усе сабраныя сродкі падчас канцэрту будуць перададзеныя яго сям'і.
Беларуская Рада культуры заклікае падтрымаць Алеся Пушкіна ды яго сям’ю, а таксама ўсіх рэпрэсаваных культурных дзеячаў праз дабрачыннае ахвяраванне на: https://byculture.org/donate
юл