Заснавальнік і генеральны дырэктар беларускай IT-кампаніі IBA Group Сяргей Ляўцееў заявіў у інтэрв'ю выданню Emerging Europe аб поўным сыходзе з беларускага і расійскага рынкаў.
«Мы былі гатовыя да тых зменаў, якія адбыліся за апошнія тры гады. У нас ёсць некаторыя страты з пункту гледжання людзей, з пункту гледжання бізнесу, але яны для нас не драматычныя. І мы поўнасцю сыходзім з расійскага і беларускага рынкаў. У IBA Group ужо няма кліентаў на гэтых двух рынках», – заявіў Ляўцееў.
Кампанія больш не разлічвае на свой цэнтр распрацоўкі ў Беларусі.
«Гэта таксама перавага, таму што мы з нашымі распрацоўшчыкамі бліжэй да нашых кліентаў. <… Цяпер у нас больш распрацоўшчыкаў за межамі Беларусі, чым у Беларусі», – зазначыў дырэктар.
Нагадаем, што ў 2021 годзе штат аўтсорс-распрацоўшчыка IBA Group складаў 2380 чалавек.
Крыніца: zerkalo.io
нг