Беларусы 24 траўня пікетуюць дэпартамент міграцыі Міністэрства ўнутраных справаў Грузіі ў Тбілісі. Пра гэта «Белсату» паведаміў Раман Кісляк, юрыст, праваабаронца, сузаснавальнік Беларускай дыяспары Аджарыі.
Разам з ім у пікеце бярэ ўдзел Марына Зялёная, спартоўка, трэнерка, шматразовая чэмпіёнка Беларусі.
«Мэта пікету – звярнуць увагу на надта доўгі разгляд прашэнняў беларусаў аб прытулку», – апавёў Раман Кісляк.
На травень 2024 года былі пададзеныя больш як 50 заяваў беларусаў на прытулак. Ніводнага статусу нададзена не было. У трох беларускіх сем’яў тэрмін разгляду перавысіў ліміт – 21 месяц.
«Мы хочам звярнуць увагу ўраду Грузіі на неабходнасць захаваць закон, каб прашэнні разглядаліся, не перавышаючы лімітавы тэрмін 21 месяц», – адзначаў праваабаронца.
ав/Белсат