З 1 чэрвеня сума аплаты за прыём і разгляд заявы на атрыманне нацыянальнай візы Польшчы (тып D) складзе 135 еўра, паведамляе Консульскі аддзел Пасольства Рэспублікі Польшча ў Мінску.
У такую ж суму абыдзецца і паўторны разгляд заявы на візу. Сам консульскі збор не мяняецца, ён складае 35 еўра.
Цяпер прыём і разгляд заявы на атрыманне нацыянальнай візы каштуе 80 еўра.
Таксама сайт паведаміў, што з 6 па 11 чэрвеня візавыя цэнтры Польшчы ў Мінску, Гомелі і Магілёве не будуць прымаць заявы аб атрыманні шэнгенскіх віз.
нг
