Праверка пачалася ў пятніцу а 9-ай раніцы, працэдура мае комплексны характар і прадугледжвае задзейнічанне разнастайных сіл, распавёў начальнік Генеральнага штаба Узброеных Сіл - першы намеснік Міністра абароны генерал-маёр Павал Муравейка.
Вайсковец зазначыў, што падраздзяленні і воінскія часці сіл спецыяльных аперацый атрымалі задачу вылучыцца ў вызначаныя раёны, арганізаваць іх інжынернае абсталяванне, стварэнне сістэмы загарод. У далейшым быць у гатоўнасці дзейнічаць па пошуку, знішчэнні і блакаванні дыверсійна-разведвальных груп умоўнага суперніка, нясенні службы на блокпастах, а таксама аператыўнаму рэагаванню і выхаду на прызначаныя рубяжы.
Падраздзяленні зенітна-ракетных войскаў ажыццяўляюць вылучэнне і прыкрыццё важных аб'ектаў. Адначасова актыўна дзейнічаюць падраздзяленні ракетных войск і артылерыі, аснашчаныя комплексамі «Паланэз» і рэактыўнымі сістэмамі залпавага агню БМ-21 «Град».
У рамках усёй праверкі комплексна будзе дзейнічаць авіяцыя, якая выканае задачы па дастаўцы і высадцы штурмавых груп, па падтрымцы сухапутнай групоўкі пры дзеяннях на зямлі, а таксама нясенню і забеспячэнню знішчальнага авіяцыйнага прыкрыцця ў рамках сістэмы супрацьпаветранай абароны.
Актыўна будуць прымяняцца беспілотныя лятальныя апараты, сілы і сродкі радыёэлектроннай барацьбы, а таксама плануецца адпрацаваць прыёмы дзеяння сухапутных груповак у лясіста-багністай мясцовасці.
Уся праверка спланавана і будзе праводзіцца на тэрыторыі Гомельскай і Брэсцкай абласцей.
Крыніца: Міністэрства абароны РБ
