«Цяпер у Польшчы пражываюць больш за 310 тысяч беларусаў – гэта другая па колькасці група замежнікаў. Частка з іх – пенсіянеры. Многія з пенсіянераў не могуць бяспечна вярнуцца дадому. У Польшчы дзейнічае заканадаўства, якое прадугледжвае выплату пенсій зыходзячы з адпаведнага стажу працы на тэрыторыі Польшчы», - гаворыцца ў тэлеграм-канале беларускага палітыка.
Гаеўскі, паводле Латушкі, выказаў гатоўнасць прааналізаваць праблему, у тым ліку на прыкладах індывідуальных выпадкаў. Дэпартамент па пытаннях сацыяльных выплат падрыхтуе «дарожную мапу» сацыяльнай дапамогі для грамадзян Беларусі, якія пражываюць у Польшчы.
Таксама кіраўнік НАУ сустрэўся з намеснікам міністра ўнутраных спраў і адміністрацыі Польшчы Мацеем Душчыкам. Сярод іншага гаворка ішла аб «праблемах легальнага працаўладкавання, выезду за межы Польшчы і затрыманняў з магчымай дэпартацыяй пры адсутнасці дакументаў».
Крыніца: Павел Латушка