Як стала вядома ўжо тыдзень Ігар Аліневіч знаходзіцца не ў турме ў Жодзіне, а ў шпіталі ў Калядзічах. Падрабязнасці на дадзены момант невядомыя, паведамляе «Краіна для Жыцця».
Ігар Аліневіч – актывіст анархічнага руху, быў затрыманы пры пераходзе мяжы Беларусі ў ноч з 28 на 29 кастрычніка 2020 года.
Яго абвінавацілі па шэрагу артыкулаў за падпал службовых аўтамабіляў, будынкаў ДАІ і Дзяржаўнага камітэта экспертызаў у Гомельскай вобласці і асудзілі на 20 гадоў зняволення.
Як паведамлялася, напрыканцы траўня Аліневіча змясцілі ў СІЗА. Раней яму неаднаразова прызначалі такое пакаранне. На знак пратэсту мужчына трымаў галадоўку.
аз