Пра гэта паведамляе ініцыятыва «Кіберпартызаны» і публікуе дакумент за подпісам старшыні Камітэта дзяржаўнага кантролю Валерыя Герасімава.
У дакуменце сказана, што праблема сыходу з прафесіі тычыцца выпускнікоў розных навучальных устаноў. У сувязі з гэтым падрыхтаваны змяненні ў Кодэкс Рэспублікі Беларусь аб адукацыі, якія плануецца разгледзець у 2025 годзе. Меры накіраваны на замацаванне кадраў.
Сярод іншага КДК прапануе фармаваць месцы на прыём абітурыентаў у навучальныя ўстановы зыходзячы з патрэб дзяржавы, а не попыту на прафесію сярод насельніцтва.
Акрамя таго, разглядаюць магчымасць увесці адказнасць для наймальнікаў за цякучасць кадраў і замацоўванне маладых спецыялістаў.
У дакуменце ёсць і апісанне ўмоў працы для маладых спецыялістаў: жыллё без вокнаў, святла і ацяплення, вылічэнні з заробку ў ветэрынараў за падзеж жывёлы, у інжынераў — за недахоп запчастак.
вх