Былая палітзняволеная Ксенія Луцкіна пакінула Беларусь, паведаміў у сацсетках кіраўнік фонду BYSOL Андрэй Стрыжак. Цяпер журналістка знаходзіцца ў бяспецы, абвешчаны збор сродкаў у яе падтрымку.
Да 2020 года Луцкіна працавала на Беларускім тэлебачанні. У жніўні 2020 года яна далучылася да пратэстаў супрацоўнікаў Белтэлерадыёкампаніі і ўвайшла ў асноўны склад першай Каардынацыйнай рады.
У снежні таго ж года Луцкіна была затрыманая. Яе прыгаварылі да 8 гадоў пазбаўлення свабоды за нібыта змову з мэтай захопу ўлады. У мінулым годзе журналістка выйшла на свабоду па «памілаванні».
У зняволенні ў Ксеніі Луцкінай з'явіліся сур'ёзныя праблемы са здароўем.
вс