Навучальныя зборы з «вайсковаабавязанымі, прызначанымі для камплектавання тэрытарыяльных войскаў» Брэсцкага раёна, пачынаюцца 13 мая. Пра гэта паведамляе прэс-служба Міністэрства абароны Беларусі.
У рамках збору ваеннаабавязаных плануецца прыняць, «усебакова забяспечыць» і падрыхтаваць да «выкананьня задач тэрытарыяльнай абароны». У сваю чаргу, як заяўлена, каманднаму складу тэрытарыяльных войскаў «трэба аднавіць навыкі ў кіраванні падпарадкаванымі».
Асноўная ўвага будзе засяроджаная на адпрацоўцы задач тэрытарыяльнай абароны ўзмоцненымі падраздзяленнямі тэрытарыяльных войскаў сумесна з воінскімі часцямі Ўзброеных сіл, у тым ліку з прымяненнем сродкаў актыўнага і пасіўнага процідзеяння беспілотным лятальным апаратам», — гаворыцца ў паведамленні.
З 25 сакавіка па 18 красавіка зборы тэрытарыяльных войскаў праходзілі ў Гродзенскай вобласці.
Расія і Беларусь у верасні 2025 года збіраюцца правесці на тэрыторыі Беларусі сумесныя маштабныя ваенныя вучэнні «Захад-2025».
вх