Укараненне лічбавага беларускага рубля (ЛБР) – адзін з галоўных кірункаў, па якіх працуе Нацбанк Бeларусі, заявіў 15 кастрычніка першы намеснік кіраўніка рэгулятара Аляксандр Ягораў, паведамляе «Позірк».
«У сярэдзіне 2026 года мы прыступім да тэставых плацяжоў і ўжо да канца 2026-га ўкаранім сістэму ў прамысловую эксплуатацыю. Першымі кейсамі, якія мы будзем адпрацоўваць, будуць плацяжы, скажам так, расходаў бюджэтаў або квазібюджэтных выдаткаў. І другое – гэта трансгранічныя плацяжы, дзе мы працуем у шчыльным супрацоўніцтве з Расійскай Федэрацыяй», – падкрэсліў Ягораў.
Паводле яго слоў, важным застаецца і «ўкараненне QR-плацяжоў на аснове сістэмы імгненных плацяжоў, якія дазволяць без выкарыстання картачных тэхналогій грамадзянам праводзіць плацяжы».
Намеснік кіраўніка Нацбанка адзначыў, што да канца бягучага года будзе рэалізаваны пілотны праект з удзелам асобных банкаў і арганізацый гандлю і сэрвісу. З сярэдзіны 2026 года плануецца, што наяўнасць гэтага сэрвісу стане абавязковым ва ўсіх буйных гандлёвых сетках.
Плануецца, што лічбавы рубель будзе прымяняцца па двух асноўных напрамках: для «кантролю выкарыстання бюджэтных сродкаў« і «трансгранічных плацяжоў«.
Нацбанк плануе, што да 2027 года ён стане даступны таксама фізічным асобам.
Галоўнае адрозненне лічбавага беларускага рубля ад крыптавалюты ў тым, што яго кошт будзе кантраляваць рэгулятар.
аз