Аляксандр Лукашэнка 13 студзеня правёў традыцыйны для гэтага часу прыём, на якім уручыў узнагароды прадстаўнікам дзяржаўных СМІ і прадпрыемстваў, а таксама спецыяльных службаў, паведамляе «Свабода».
«Вы заўсёды побач. Без перабольшвання – абараняеце інтарэсы краіны на нашым інфармацыйным полі. Разам з вайскоўцамі. Хоць вы цяпер нават знаходзіцеся наперадзе нашых вайсковых людзей», – сказаў Аляксандр Лукашэнка.
У прыватнасці, Лукашэнка ўручыў медалі Скарыны прапагандыстам з тэлевізіі – першаму намесніку старшыні Нацыянальнай дзяржаўнай тэлерадыёкампаніі Сяргею Гусачэнку і дырэктарцы філіялу міждзяржаўнай тэлерадыёкампаніі «Мир» у Беларусі, старшыні Беларускага саюзу жанчын Вользе Шпілеўскай.
Яшчэ чатыры супрацоўнікі дзяржаўных СМІ атрымалі падзякі Лукашэнкі, а дырэктар выдавецкага дому «Беларусь сегодня» Дзмітрый Жук атрымаў званне заслужанага работніка сродкаў масавай інфармацыі.
У сваю чаргу, кіраўнік КДБ Іван Цeрцель атрымаў званне заслужанага супрацоўніка органаў дзяржаўнай бяспекі.
аз