Дональд Трамп разглядае магчымасць запрашэння прэзідэнта Беларусі Аляксандра Лукашэнкі ў ЗША, паведаміў брытанскай газеце «Financial Times» спецыяльны пасланнік ЗША па Беларусі Джон Коўл. Сустрэча можа адбыцца ў Белым доме або ў прыватнай рэзідэнцыі Трампа Мар-а-Лага ў Фларыдзе.
Перамовы аб магчымай сустрэчы вядуцца ўжо некалькі месяцаў, заявіў Джон Коўл «Financial Times». Ён падкрэслівае, што рашэнне пакуль не прынята, але, як ён адзначае, «усё на правільным шляху».
З моманту вяртання Дональда Трампа да ўлады ЗША пачалі аднаўляць сувязі з Мінскам. На практыцы гэта азначае дамоўленасць: Беларусь вызваляе палітычных зняволеных, а ўзамен амерыканцы змякчаюць некаторыя санкцыі. Ужо вызвалена каля 500 чалавек, у тым ліку вядомыя лідары апазіцыі.
Яшчэ 250 чалавек былі вызваленыя ў апошнія дні, у тым ліку польскі журналіст і актывіст Анджэй Пачобут. Вызваленні адбыліся падчас візіту Джона Коўла ў Мінск.
Узамен ЗША пагадзіліся змякчыць далейшыя санкцыі супраць Беларусі, у тым ліку тыя, што накіраваны на фінансавы сектар і кампаніі, якія займаюцца экспартам калію.
Паводле звестак праваабаронцаў, у беларускіх турмах застаецца каля 900 чалавек. Патэнцыйная сустрэча з Трампам стала б вялікім прарывам для Аляксандра Лукашэнкі. Пасля жорсткага падаўлення пратэстаў у 2020 годзе і падтрымкі расійскага ўварвання ва Украіну ён знаходзіцца ў ізаляцыі Захаду.
IAR/яс