Святлана Ціханоўская сустрэлася з прэм’ерам Вялікабрытаніі Кірам Стармерам

Размова ішла, між іншым, пра падтрымку палітвязняў, незалежных СМІ, грамадзянскай супольнасці і адказнасць рэжыму Лукашэнкі.

Кір Стармер i Святлана Ціханоўская

Фота: прэс-служба Святланы Ціханоўскай

2 чэрвеня ў Лондане Святлана Ціханоўская сустрэлася з прэм’ер-міністрам Вялікабрытаніі Кірам Стармерам. Як паведамляе прэс-служба дэмакратычнай лідаркі Беларусі, падчас сустрэчы абмяркоўваліся, між іншым:

— падтрымка незалежных беларускіх медыя і грамадзянскай супольнасці;
— сінхранізацыя палітыкі Вялікабрытаніі і ЕС па Беларусі;
— падтрымка Украіны, еўрапейская бяспека і адказнасць рэжыму Лукашэнкі;
— прасоўванне беларускага пытання ў G7 і G20.

Святлана Ціханоўская таксама заклікала Вялікабрытанію разгледзець магчымасць далучыцца да Міжнароднага гуманітарнага фонду.

— Падтрымка дэмакратычнай Беларусі — гэта ўклад у бяспеку ўсёй Еўропы. Сёння нам важна, каб партнёры працягвалі падтрымліваць палітвязняў, незалежныя медыя, грамадзянскую супольнасць і ўсіх, хто захоўвае сувязь Беларусі з Еўропай, — заявіла Святлана Ціханоўская.

аз