На брэсцкім рынку ў трох гандлёвых павільёнах знайшлі тавары без дакументаў і прадукцыю з «недружалюбных краін». Іх забралі з продажу, паведаміла Зеркало са спасылкай на Камітэт дзяржкантролю.
Падчас праверкі ў павільёнах знайшлі сродкі асабістай гігіены і бытавой хіміі невядомага паходжання — без дакументаў, пратэрмінаваную парфумерыю, парушэнні па маркіроўцы тавараў.
— Акрамя таго, у пяці павільёнах прадавалася больш за 40 найменняў тавараў, якія паходзяць з недружалюбных краін, забароненых да ўвозу і рэалізацыі на тэрыторыі нашай краіны, — заявілі ў КДК.
Забароненыя тавары канфіскавалі з продажу. Тры павільёны пасля «навядзення парадку» аднавілі працу.
нг