Ідзецца пра даведку да атэстата, што школа, якую абітурыент заканчвае, можа выдаваць дакументы дзяржаўнага ўзору. Аднак Дэпартамент якасці адукацыі ў атрыманні такога дакумента нечакана стаў адмаўляць. Пра сітуацыю напісалі беларускія незалежныя СІМ.
У дакуменце ўтрымліваецца інфармацыя, што школа, якую скончыла дзіця, мае акрэдытацыю ў Беларусі і можа выдаваць дакументы дзяржаўнага ўзору. Апроч таго дадзены дакумент указвае, што атэстат, які прадстаўляе абітурыент, пацвярджае, што яго ўладальнік сапраўды атрымаў агульную сярэднюю адукацыю і можа працягнуць вучобу ва ўстановах прафесійна-тэхнічнай, сярэдняй спецыяльнай і вышэйшай адукацыі на тэрыторыі Беларусі.
Яшчэ ў даведцы ёсць звесткі «аб адпаведнасці адзнак». Напрыклад, тое, што ацэнкі 9-10 балаў адпавядаюць пяцёрцы («выдатна»), а, дапусцім, 6-8 — чацвёрцы («добра»).
Бацькі дзяцей, якія ў гэтым годзе збіраюцца паступаць за мяжу, пішуць, што сутыкнуліся нядаўна з гэтай праблемай.
У Дэпартаменце кантролю якасці адукацыі заявілі, што на сённяшні дзень такую інфармацыю не выдаюць.
Крыніца: Зеркало/Наша Ніва/