У Мінск 24 мая прыляцеў новы міністр абароны Расіі Андрэй Белавусаў. Ён сустрэнецца з беларускім калегам Віктарам Хрэніным, таксама запланаваны іх «сумесны ўдзел у мерапрыемствах па плане» сустрэчы Аляксандра Лукашэнкі і Уладзіміра Пуціна.
Міністр абароны Беларусі Віктар Хрэнін асабіста сустрэў расійскага калегу ў аэрапорце, яны правядуць рабочую сустрэчу ў Мінску, паведамілі ў Мінабароны. «На парадку дня – пытанні двухбаковага ваеннага і ваенна-тэхнічнага супрацоўніцтва», – дадалі ў ведамстве.
Начальнік Дэпартамента міжнароднага ваеннага супрацоўніцтва Мінабароны Валерый Равенка паведаміў, што міністры абароны дзвюх краін прымуць «сумесны ўдзел у мерапрыемствах па плане» сустрэчы Аляксандра Лукашэнкі і Уладзіміра Пуціна.
Як піша тэлеграм-канал «МатолькоДапамажы», у Мінск таксама ляціць кіраўнік МЗС РФ Сяргей Лаўроў, акрамя таго, у Беларусі знаходзіцца гендырэктар «Расатама» Аляксей Ліхачоў.
Нагадаем, напярэдадні ў Мінск прыляцеў прэзідэнт РФ Уладзімір Пуцін, у якога на пятніцу запланаваны перамовы з Аляксандрам Лукашэнкам.
Лукашэнка заявіў, што найперш яны з Пуціным абмяркуюць пытанні бяспекі, а эканамічную тэматыку разгледзяць з удзелам членаў урадаў. У сваю чаргу Уладзімір Пуцін паабяцаў «вялікі парадак дня» і пацвердзіў планы абмеркаваць з Лукашэнкам сумесныя вучэнні з тактычнай ядзернай зброяй.
Афіцыйныя перамовы Лукашэнкі і Пуціна пройдуць 24 траўня ў Палацы незалежнасці спачатку ў вузкім, а потым у пашыраным складах.
ав/zerkalo.io
