У Мінскім гарадскім судзе 20 траўня агучылі прысуд 39-гадоваму прадпрымальніку Артуру Ролічу – дзевяць гадоў калоніі ва ўмовах узмоцненага рэжыму, паведамляе Вясна. Яго асудзілі паводле пяці артыкулаў Крымінальнага кодэкса за ахвяраванні розным беларускім ініцыятывам. Прысуд вынес Сяргей Кацэр.
У 2013-м мужчына адкрыў уласны бізнес – краму Grandbazaare, у якой прадаваў брэндавае адзенне і абутак. А з 2023-га Роліч перавёў старонкі свайго бізнесу на беларускую мову.
Апошняе паведамленне ў суполцы ягонага бізнесу датуецца 27 ліпеня 2023-га года. Тады ён расказаў, што «з'язжае ў адпачынак, але вернецца 15 жніўня». Імаверна, па вяртанні з адпачынку Артур быў затрыманы, піша «Наша Ніва».
У выніку Артура асудзілі паводле пяці артыкулах Крымінальнага кодэкса: ч. 1 і 2 арт. 290-1 (фінансаванне тэрарыстычнай дзейнасці), ч. 1 і 2 арт. 361-2 (фінансаванне экстрэмісцкай дзейнасці) і арт. 361-2 КК (фінансаванне дзейнасці экстрэмісцкага фарміравання), які дзейнічаў да мая 2021-га.
ав/Вясна