Гаспадыню сувенірнай крамы «Адметнасць» Вольгу Верамеенка і журналістку, жонку палітвязня Паўла Мажэйкі Ірыну Чарняўка абвінавачваюць паводле арт. 361−4 ч. 1 і 2 – за садзейнічанне экстрэмісцкай дзейнасці.
Абвінавачаныя некалькі год таму зʼехалі з Беларусі, цяпер жывуць у Польшчы. Сілавікі прапануюць жанчынам прыйсці ў Следчы камітэт.
Спецвытворчасцю ў Беларускім заканадаўстве называюць вытворчасць у адносінах да абвінавачаных, якія знаходзяцца за мяжой ці іншым чынам «ухіляюцца ад яўкі» ў адпаведныя органы. Гэты механізм з’явіўся ў Крымінальным Кодэксе ў 2023 годзе. Ён дазваляе судзіць людзей завочна.
На гэты момант у спісе фігурантаў, у дачыненні да якіх СК пачаў спецвытворчасць, 103 чалавекі.
Журналіст, грамадскі дзеяч Павел Мажэйка асуджаны на шэсць гадоў пазбаўлення волі.
вх