Установа прыняла да ведама, як заявіў прадстаўнік камісіі, рашэньне ўладаў у Менску вызваліць некалькіх чалавек. Іх асудзілі за ўдзел у мірных акцыях пратэсту пасля фальсіфікацыі прэзідэнцкіх выбараў у жніўні 2020 года.
Некаторым з вызваленых спатрэбілася тэрміновая медыцынская дапамога, напісаў у заяве прэс-сакратар камісіі Пітэр Стано. Ён адзначыў, што ў беларускіх турмах дагэтуль утрымліваюцца больш за 1300 чалавек, асуджаных падчас паказальных судоў за мірнае супрацьстаянне супрацьпраўным дзеянням беларускага рэжыму.
«Еўрасаюз працягвае заклікаць беларускія ўлады неадкладна і безумоўна вызваліць усіх палітычных зняволеных, якія часта ўтрымліваюцца ў небяспечных для жыцця ўмовах», — падкрэсліў прэс-сакратар Еўракамісіі.
Сярод тых, хто ўтрымліваецца ў турмах у цяжкіх умовах, — журналіст і дзеяч польскай меншасці ў Беларусі Анджэй Пачобут, вызвалення якога доўгі час дамагаецца Варшава.
ПР/юл