Пачынаючы з 10 жніўня, Узброеныя сілы РБ і Ваенна-паветраныя сілы РБ пачалі перакідвацца ў Гомельскую вобласць, якая мяжуе з Украінай. Паведамлялася, што прычына перакідкі войскаў на поўдзень — сітуацыя ва Украіне і Курскай вобласці Расіі.
Паводле інфармацыі маніторынгавай ініцыятывы «Беларускі Гаюн», на бягучы момант у паўднёвым напрамку сканцэнтравана групоўка колькасцю не менш за 1000 чалавек. За апошні час на Гомельшчыну было накіравана некалькі верталётаў і штурмавікоў, а таксама шэраг падраздзяленняў з БТРамі, танкамі і ЗРК С-300ПС.
Агульная колькасць групоўкі, сканцэнтраванай ва ўкраінскім памежжы, можа складаць не менш за 1100 чалавек.
Сілы спецыяльнага прызначэння
Па стане на пачатак жніўня ў Гомельскай вобласці знаходзіліся наступныя падраздзяленні Сілаў спецыяльнага прызначэння:
Парашутна-дэсантны батальён 103-й паветрана-дэсантнай брыгады — наваколле аэрадрома «Зябраўка» (Гомельскі раён).
Атрад 5-й брыгады спецыяльнага прызначэння - Мазырскі раён.
Колькасць названых падраздзяленняў можна ацэньваць у 400-500 чалавек.
Паводле @t.me/Hajun_BY/вх