Сілавікі зладзілі аблаву ў Глыбокім Віцебскай вобласці. Відэа з затрыманымі сёння апублікаваў набліжаны да лукашэнкаўскіх апрычнікаў Тэлеграм-канал.
Затрымалі як мінімум трох чалавек. Усе яны нібыта ўдзельнічалі ў паслявыбарчых акцыях пратэсту.
Сярод затрыманых - адміністратар старонкі «Падслухана Глыбокае», а таксама жанчына, якая на сустрэчы са Святланай Ціханоўскай раздавала кветкі. Пра гэта стала вядома з відэа сілавікоў.
«Выходзіў на акцыі пратэсту, хадзіў па праезнай частцы, здымаў усё, што адбывалася на відэа», - сказаў на камеру затрыманы мужчына.
«Адзін раз раздавала кветкі на сустрэчы са Святланай Ціханоўскай. Другі раз мітынг праходзіў на праезжай частцы», - распавяла жанчына.
Паводле інфармацыі сілавікоў, усе затрыманыя «пройдуць па адной крымінальнай справе», паведамляе «Наша Ніва».
вс