Апытанне жыхароў Беларусі праводзілася анлайн летам гэтага года. Апытана было больш за 800 бацькоў непаўналетніх дзяцей. Сацыёлагі задавалі пытанне рэспандэнтам, чым бы яны хацелі, каб іх дзеці займаліся ў будучыні.
Амаль 70% хацелі б, каб іх дзеці вялі ўласны бізнэс, былі прадпрымальнікамі ці фрылансерамі. Гэты варыянт адказу мае вялікі адрыў. На другім месцы жаданых прафесій апынуліся сілавікі (міліцыя, войска, спецслужбы, МНС) — 23%. За імі ідуць чыноўнікі (дзяржаўная служба) — 16%, гаворыцца ў падсумаванні вынікаў даследавання BEROС.
Прадпрымальнік ці сілавік: якой будучыні беларусы зычаць сваім дзецям.
Бацькі-прадпрымальнікі прыкметна часцей звязваюць будучыню сваіх дзяцей з прадпрымальніцтвам (80,9%) у параўнанні з рэспандэнтамі, якія не з'яўляюцца
прадпрымальнікамі (65,7%).
Бацькі, якія хацелі б, каб іх дзеці ў будучыні сталі прадпрымальнікамі, гатовыя фарміраваць станоўчае ўспрыманне прадпрымальніцтва ў сваіх дзяцей праз пазітыўныя
меседжы аб бізнэсе, у сваёй аргументацыі звязваюць занятасць у гэтай сферы з магчымасцю рэалізаваць мару, здабыць свабоду і стаць багатым. Таксама яны гатовыяўсяляк падтрымаць дзяцей, калі яны ў будучыні вырашаць стаць прадпрымальнікамі.
Мара і рызыкі
Рэспандэнтам прапаноўвалася назваць асацыяцыі, якія б яны выкарыстоўвалі для тлумачэння сваім дзецям, што значыць займацца бізнэсам. Часцей за ўсё выбіраліся паняцці «мара», «багацце» і «свабода».
Гэтая трыяда з'яўляецца найболей папулярнымі асацыяцыямі нават сярод тых, хто не бачыць сваіх дзяцей у прадпрымальніцтве. Але такія бацькі больш асцярожныя і схільныя перасцерагаць дзяцей ад рызыкі нявызначанасці і нестабільнасці.
Пазітыўнае стаўленне да бізнесу
Аўтары даследавання падкрэсліваюць, што праз пытанні пра будучыню дзяцей беларусы праяўляюць «сапраўднае» ўспрыманне бізнесу. Вынікі паказалі, што абсалютная большасць бацькоў станоўча ставіцца да прадпрымальніцтва як да будучыні шляху для сваіх дзяцей, нягледзячы на далёка не самыя спрыяльныя ўмовы вядзення бізнесу ў Беларусі.
Наёмная праца (незалежна ад формы ўласнасці наймальніка) нашмат радзей разглядаецца рэспандэнтамі як прывабная перспектыва для будучыні дзяцей. Па-першае, пакаленне цяперашніх бацькоў дзяцей да 18 гадоў заспела росквіт прыватнага бізнэсу ў Беларусі і добра разумее яго перавагі перад дзяржаўным сектарам. Па-другое, становішча наёмных
работнікаў у сучаснай Беларусі збольшага саступае ў перавагах працы па найму ў прыватным сектары.
Таму не дзіўна, што многія рэспандэнты могуць успрымаць працу па найму як «кабалу» у процівагу свабодзе, якая асацыюецца з прадпрымальніцтвам, «сваёй справай», адзначаюць аўтары даследавання.
вх