Сёлета ў красавіку судамі Віцебшчыны вынесена больш за 19 рашэнняў аб прызнанні інтэрнэт-рэсурсаў «экстрэмісцкімі». У большасці выпадкаў «непажаданыя» рэсурсы не маюць нічога агульнага з Віцебскім рэгіёнам, напрыклад, суполка «Новости из TUT.BY» у сацсетцы «Аднакласнікі».
Таксама «экстрэмізм» суды Віцебскай вобласці знайшлі ў шэрагу адукацыйных праектаў, у тым ліку звязаных з беларускай мовай. Гэтыя факты могуць сведчыць пра тое, што рэгіянальная пракуратура і суды шукаюць у інтэрнэце хоць нешта, за што можна ўчапіцца, каб потым перадаць прадстаўленне ў суд і вынесці рашэнне.
Для Беларускай службы Польскага радыё, Святаслаў Бруйко, Віцебск