За апошнія суткі 13 чалавек спрабавалі нелегальна трапіць з Беларусі ў Польшчу. Сярод замежнікаў былі грамадзяне Емена, Сенегала і Індыі. Яны былі затрыманыя ля Дубічаў Царкоўных, Чарэмхы і Белавежы.
Сёння ля вёскі Мельнік былі затрыманыя 10 чалавек. Сярод замежнікаў былі грамадзяне Лівана, Камеруна, Пакістана і Сенегала, паведаміла прэс-сакратар Памежнай службы Анна Міхальска(Anna Michalska):
- Факт, што сярод затрыманых мігрантаў знаходзяцца прадстаўнікі шматлікіх нацыянальнасцяў, сведчыць пра тое, што мігрантаў прывозяць з розных куткоў свету і пастаўляюць на мяжу. Як і раней, таксама затрыманыя апошнім часам мігранты паведамляюць, што ў Беларусь яны прыехалі з Расіі цягам апошніх тыдняў.
З пачатку года польская Памежная служба зафіксавала больш за 1200 спробаў незаконнага перасячэння мяжы з Беларусі ў Польшчу.паведамляе Памежная служба.
IAR /аз