Больш за 2 мільёнаў еўра складае бюджэт «Праграмы падтрымкі адукацыі»

Сродкамі з праграмы змогуць скарыстацца грамадскія арганізацыі, скаўты і каманды Добраахвотнай пажарнай службы.

Кіраўнік Міністэрства адукацыі і навукі Пшэмыслаў Чарнэк

PAP/Tomasz Gzell

Майстар-класы па прадпрымальніцтве, спартыўныя мерапрыемствы або дакументаванне гісторыі краіны ці рэгіёна, між іншым, на гэткія праекты можна будзе атрымаць сродкі з «Праграмы падтрымкі адукацыі». Яе ініцыятарам зʼяўляецца Міністэрства адукацыі і навукі.

Сродкамі з праграмы змогуць скарыстацца грамадскія арганізацыі, скаўты і каманды Добраахвотнай пажарнай службы. Праграма рэалізуецца па трох напрамках, нагадвае міністр Пшэмыслаў Чарнэк (Przemysław Czarnek):

- Першы напрамак – гэта «Інавацыйная адукацыя», дзе праекты накіраваны на фарміраванне прадпрымальніцкіх адносін, крэатыўнасці і інфармацыйна-камунікацыйных ведаў. Гэта могуць быць семінары; могуць быць курсы. Тут мы сапраўды разлічваем на ідэі няўрадавых арганізацый. Другі напрамак, гэта «Патрыятычнае выхаванне». Рэалізаваныя ў яго рамках праекты, накіраваныя на адкрыццё, дакументаванне і распаўсюджванне гісторыі Польшчы.

Трэці напрамак – «Адукацыя праз спорт» – гэта падтрымка праектаў, якія прасоўваюць фізічную актыўнасць і здаровае харчаванне. Прыём заявак працягнецца да 31 ліпеня 2022 года. На сёння заяўкі падалі 800 арганізацый. Бюджэт «Праграмы падтрымкі адукацыі» складае 10 мільёнаў злотых (больш за 2 мільёны еўра).

IAR /аз