Вакцыну супраць грыпу можна ўжо купіць у аптэках у Польшчы

У мінулым годзе супраць грыпу прывіліся 7 працэнтаў насельніцтва.

Здымак мае ілюстрацыйны характар.

Photo:qimono/pixabay.com/CC0 Public Domain

Вакцыну супраць грыпу можна ўжо купіць у аптэках у Польшчы. Пакуль гаворка ідзе пра прэпарат аднаго з асноўных вытворцаў, але вакцына другой фармацэўтычнай кампаніі будзе даступная ў пачатку верасня.

Намеснік міністра аховы здароўя Мацей Мілкоўскі(Maciej Miłkowski) паведаміў, што вакцына супраць грыпу бясплатная для цяжарных жанчын і людзей, якім 75 і больш гадоў:

- Для дзвюх згаданых груп насельніцтва вакцына бясплатная. Асобы, якім 65 і больш гадоў і асобы з групы рызыка могуць купіць вакцыну супраць грыпу за паловы цаны. Астатнія грамадзяне мусяць заплаціць за прэпарат.

У мінулым годзе супраць грыпу прывіліся 7 працэнтаў насельніцтва. У сваю чаргу зафіксаваныя былі больш за 2 мільёны 400 тысяч выпадкаў грыпу.

Медыкі нязменна заахвочваюць грамадзян Польшчы прывівацца супраць грыпу, наступствы якога могуць быць небяспечнымі для здароўя і жыцця пацыентаў.

IAR /аз