Колькасць інфекцый, выкліканых рознымі вірусамі, павялічваецца ў асенне-зімовы перыяд. Рэспіраторна-сінцыцыяльны вірус чалавека (RSV), які выклікае інфекцыі дыхальных шляхоў, вельмі небяспечны для неданошаных дзяцей, а таксама для дзяцей з прыроджанымі парокамі сэрца і нервова-цягліцавымі захворваннямі.
Медыкі-спецыялісты і арганізацыі пацыентаў спрабуюць пашырыць праграму імунізацыі, то бок падачу гатовых антыцелаў большай колькасці дзяцей.
Нацыянальны кансультант у галіне неанаталогіі, прафесар Эва Хэльвіх(Ewa Helwich) падкрэсліла, што маленькія дзеці часцей за ўсё заражаюцца згаданым вірусам ад іншых членаў сямʼі:
- Вірус RS найбольш небяспечны для наймалодшых. Ён больш небяспечны, чым вірус SARS-CoV-2 і вірус грыпу. Ён перадаецца наймалодшым членам сям’і ад старэйшых братоў і сясцёр.
Эва Хэльвіх падкрэсліла, што вельмі важная імунізацыя і захаванне правіл гігіены ў асяроддзі самых маленькіх дзяцей.
Восенню ў мінулым годзе было шмат захворванняў і шпіталізацый дзяцей з-за інфекцый, выкліканых рэспіраторна-сінцыцыяльным вірусам. Зараз у дзіцячых аддзяленнях найбольш дзяцей, якія хварэюць COVID-19.
IAR /аз