На мінулым тыдні ў Варшаве адбылося ўрачыстае адкрыццё Лабараторыі рэгенератыўнай медыцыны Варшаўскага медыцынскага ўніверсітэта. Лабараторыя з’яўляецца часткай Цэнтра даклінічных даследаванняў і тэхналогій – CePT II.
Гэта важная падзея, паколькі толькі некалькі навуковых цэнтраў у Еўропе можа пахваліцца такой перадавой тэхналогіяй, кажа прарэктар па пытаннях навукі і перадачы тэхналогіі Варшаўскага медыцынскага ўніверсітэта прафесар Пётр Прушчык(Piotr Pruszczyk):
- Лабараторыя дае вялікія магчымасці, калі гаворка ідзе пра развіццё навукі і медыцыны будучыні. Лабараторыя супрацоўнічае з навукоўцамі з некалькіх кантынентаў, у тым ліку з Еўропы, ЗША, Паўднёвай Амерыкі.
Выкарыстоўваючы найноўшае абсталяванне, навукоўцы будуць распрацоўваць, напрыклад, метады, якія дазволяць аднавіць страчаную функцыю тканак ці органаў.
Лабараторыя рэгенератыўнай медыцыны Варшаўскага медыцынскага ўніверсітэта была дафінансавана з фондаў ЕС. Кошт інвестыцыі – гэта 14 мільёнаў злотых (амаль 3 мільёны еўра).
IAR/аз