Прэм’ер Матэвуш Маравецкі лічыць, што аэрапорт у Радаме павінен разгрузіць варшаўскае «Акэнце», а ў будучыні таксама Цэнтральны камунікацыйны порт. Сёння адбылося афіцыйнае адкрыццё аэрапорта «Варшава-Радам імя Герояў Радамскага чэрвеня 1976 года» пасля рамонту.
Кіраўнік урада адзначыў, што мадэрнізацыя і пашырэнне аэрапорта ў Радаме, якія праводзіліся ў апошнія гады – гэта добра прадуманая інвестыцыя:
- Цяпер варшаўскае «Акэнце», а ў будучыні таксама Цэнтральны камунікацыйны порт павінны мець дадатковы, запасны аэрапорт у падтрымку. Гэта менавіта аэрапорт «Варшава-Радам». Падобным чынам, аэрапорт у Франкфурт-на-Майне мае «Франкфурт-Ган». Таксама іншыя найбуйнейшыя аэрапорты, у тым ліку, у Парыжы, Амстэрдаме маюць свае запасныя аэрапорты.
Прэм'ер Маравецкі дадаў, што аэрапорт у Радаме мае добрае спалучэнне з Варшавай дзякуючы хуткаснай трасе S7. Ён выказаў надзею, што яго адкрыццё паспрыяе прыцягненню ў горад дадатковых інвестыцый і працоўных месцаў.
Матэрнізацыя аэрапорта ў Радаме каштавала каля 800 мільёнаў злотых (больш за 174 мільёны еўра). Уладальнікам аэрапорта зʼяўляецца кампанія «Польскія аэрапорты» (Polskie Porty Lotnicze, PPL)
IAR/аз
