Прэм’ер-міністр Польшчы Матэвуш Маравецкі заявіў у мясцовасці Рэдзікова, што будаўніцтва амерыканскай базы супрацьракетнай абароны будзе завершанае да канца году. Менавіта ў гэтай мясцовасці на поўначы Польшчы паўстае база падтрымкі ВМФ ЗША.
Прэм’ер-міністр падчас візіту ў Падразьдзяленьне ваенна-марской падтрымкі ЗША падкрэсліў, што Польшча і ЗША інтэнсіўна супрацоўнічаюць па пытаннях абароны, удакладніўшы, што над сістэмай супрацьракетнай абароны працуюць найлепшыя польскія і амерыканскія спецыялісты.
«Як толькі што мяне праінфарміравалі афіцэры ВМФ ЗША, гэты абʼект будзе гатовы да канца года», – заявіў кіраўнік польскага ўраду.
Будаўніцтва амерыканскай базы ў Рэдзікова фінансуецца адміністрацыяй ЗША, кошт работ і абсталявання складае амаль 900 мільёнаў долараў.
У Рэдзікова пад Слупскам (Паморскае ваяводства) размешчаныя элементы амерыканскай сістэмы Aegis Ashore, першапачаткова распрацаванай як карабельная сістэма суправаджэння і знішчэння ракет. Пасля адпаведнай мадэрнізацыі сістэма здольная для працы з зямлі. Аналагічная база ўжо дзейнічае румынскім порце Дэвеселу.
iar/эж
