Чэхі адкрываюць Польшчу. Яны прыязджаюць у краіну не толькі за больш таннымі пакупкамі, але ўсё часцей і ў турыстычнымі мэтамі. Адпачынак у Польшчы выбіраюць на траціну больш чэхаў, чым год таму, і амаль удвая больш, чым да пандэміі.
Чэшская прэса рэгулярна раіць, як дабрацца да польскага ўзбярэжжа і што наведаць па дарозе. Тыя, хто ўжо вярнуўся з Польшчы, дзеляцца ўражаннямі ў сацыяльных сетках. Звяртаюць увагу на выгадныя цэны, добрыя трасы, шырокую гастранамічную прапанову і адсутнасць праблем з разлікамі картамі.
Дырэктар Пражскага бюро Польскай турыстычнай арганізацыі Павел Траян заўважыў, што Польшча стала альтэрнатывай папулярнай дагэтуль Харватыі. Паводле яго слоў, гэта было звязана з некалькімі фактарамі, у тым ліку з моцным курсам кроны ў адносінах да злотага.
– У Польшчы паслуга, якая на больш высокім узроўні, чым у Чэхіі, каштуе столькі ж, а часам і менш. Для сярэдняга чэха гэта мае вялікае значэнне. Тое самае і з ежай, і з усёй гастраноміяй, і з пакупкамі», – сказаў карэспандэнту Польскага радыё Павел Траян.
На ягоную думку, цікавасць да Польшчы з'яўляецца таксама вынікам шматгадовай дзейнасці польскіх установаў, якія клапоцяцца пра імідж краіны ў Чэхіі.
ав
