Эвакуацыя пачалася а 7:00 і працягнецца некалькі гадзін. Жыхары павінны пакінуць свае кватэры да 11:00.
Мэрыя Любліна паведаміла, што вызначаныя тры месцы для збору. Адтуль аўтобусы грамадскага транспарту з надпісам ЭВАКУАЦЫЯ будуць дастаўляць жыхароў да стадыёна «Арэна Люблін». Жыхарам дазволілі ўзяць з сабой хатніх жывёл.
Акрамя таго, у зоне эвакуацыі будуць зачыненыя дзіцячыя сады, якія дзяжураць у святочныя дні. Паркоўка на стадыёне «Арэна Люблін» таксама будзе бясплатнай.
Для людзей з абмежаванымі магчымасцямі і тых, хто патрабуе медыцынскага дагляду, падрыхтаваны месцы ў двух дамах састарэлых. Ляжачых адвязуць у спартыўную залу адной з гімназій. У гэтых месцах таксама будзе аказвацца псіхалагічная дапамога.
Дапамогу ў эвакуацыі жыхароў акажуць праваахоўныя службы. Чыноўнікі заклікаюць людзей захоўваць спакой.
ПР/юл