Польшча мае значныя поспехі ў лячэнні спінальнай мышачнай атрафіі – SMA. Апублікаваныя даследаванні, якія ахопліваюць 30 месяцаў назірання за дарослымі пацыентамі са SMА, паказваюць эфектыўнасць комплекснай дыягнастычнай і тэрапеўтычнай праграмы спінальнай мышачнай атрафіі.
«Сто працэнтаў пацыентаў дасягнулі стабілізацыі і затрымання прагрэсавання хваробы, у той час як 85 працэнтаў пацыентаў палепшала», – сказала прафесар Ганна Костэра-Прушчык – суаўтар даследавання, загадчык кафедры і клінікі неўралогіі Медыцынскага ўніверсітэта г. Варшава.
«Мы разлічвалі, што нам удасцца спыніць прагрэсаванне хваробы. Гэта ўжо было б вялікім поспехам для хворых, якія пачалі тэрапію ў момант запушчанай хваробы. На дадзены момант мы бачым не толькі стабілізацыю, але і паляпшэнне, якое ўсё больш і больш з кожным увядзеннем прэпарата», – дадала прафесар Костэра-Прушчык.
З сакавіка 2022 года ўсе нованароджаныя дзеці ў Польшчы ахоплены праграмай скрынінга на спінальную мышачную атрафію. Да гэтага часу абследавана больш за 580 тыс. нованароджаных дзяцей і пастаўлены дыягназ 80 дзецям, – расказалі ў Інстытуце Маці і дзіцяці ў Варшаве.
Спінальная цягліцавая атрафія – цяжкае рэдкае захворванне, пры якім з-за генетычнага дэфекту нейроны спіннога мозгу, адказныя за скарачэнне і расслабленне цягліц, паступова адміраюць. Захворванне можа прывесці да частковага або поўнага паралічу. Штогод нараджаецца каля 50 дзяцей са спінальнай мышачнай атрафіяй.
яс
