Апытанне: Большасць палякаў вінавацяць у праблемах фермераў палітыку ЕЗ у дачыненні да Украіны

67,6% апытаных палякаў назвалі рашэнне ЕЗ адкрыць рынак сельскагаспадарчай прадукцыі з Украіны прычынай праблемаў фермераў. 

Ілюстрацыя

Фота: shutterstock/Octa corp

На пытанне, хто, на іх думку, адказны за цяперашнія праблемы польскіх фермераў, 67,6% апытаных палякаў назвалі рашэнне ЕЗ адкрыць рынак сельскагаспадарчай прадукцыі з Украіны, – вынікае з сацыялагічнага апытання праведзенага кампаніяй United Surveys для RMF FM i выдання Dziennik Gazeta Prawna.

У якасці прычын праблемаў польскіх фермераў 48,8% апытаных указалі палітыку ўрада «ПіС», 48,6% – наступствы агрэсіі Расіі супраць Украіны, 47,8% – кліматычную палітыку ЕЗ, а нядобрасумленная канкурэнцыя ўкраінскай сельскай гаспадаркі – 46,4% апытаннях палякаў.

Паводле 20,7% рэспандэнтаў, за праблемы польскіх фермераў адказная палітыка цяперашняга ўраду на чале з Дональдам Тускам, а 10,5% апытаных лічаць, што вінаватыя самі фермеры.

pap/ez