Былы міністр сельскай гаспадаркі Польшчы (1999-2001 гг.) Артур Баляш лічыць, што перамовы паміж Польшчай і Украінай не вырашаць так званага збожжавага крызісу. Прэм'ер Польшчы Дональд Туск анансаваў на 28 сакавіка ў Варшаве перамовы паміж урадамі абедзвюх краінаў, у тым ліку, адносна пратэстаў польскіх фермераў. Паводле Артура Баляша, вырашальнае слова ў гэтым пытанні мае Еўразвязам:
-Менавіта Еўрапейская камісія павінна вызначыць доступ да нашага рынку і базавыя справаздачныя перыяды, гэта значыць перыяды, у якія будзе разлічвацца гэтая квота. Можна меркаваць, што адзін год будзе ахопліваць даваенны перыяд, а другі – ваенны.
Артур Баляш таксама адзначыў, што ўвядзенне Польшчай эмбарга на сельскагаспадарчыя тавары з Украіны не вырашыць праблему, бо гэты крок не зробяць іншыя краіны.
Тым часам польскія аграрыя заяўляюць, што будуць пратэставаць, пакуль іх патрабаванні не будуць выкананыя, а менавіта адмова ад еўрапейскага «Зялёнага ладу» і адмена вольнага гандлю з Украінай. У рамках пратэсту, у тым ліку, блакуецца мяжа з Украінай.
iar/ez