Прэзідэнт Анджэй Дуда неўзабаве сустрэнецца з прэм'ер-міністрам Дональдам Тускам, каб абмеркаваць праграму абмену ядзернай зброяй у рамках НАТА і ідэю яе размяшчэння ў Польшчы. Пра гэта паведаміла Малгажата Папроцкая з Канцылярыі прэзідэнта.
Папроцкая нагадала ў эфіры Польскага радыё, што абодва палітыкі анансавалі такую размову.
Прэзідэнт Анджэй Дуда заявіў, што Польшча гатовая да сустрэч пра размяшчэнне ў краіне ядзернай зброі. Прэзідэнт, які знаходзіцца ў Канадзе, падкрэсліў падчас прэсавай канферэнцыі, што наяўнасць такой зброі ў рамках праграмы НАТА Nuclear Sharing умацуе бяспеку Польшчы.
Праграма абмену ядзернай зброяй НАТА, якая прадугледжвае сумеснае выкарыстанне тактычнай ядзернай зброі, бярэ свой пачатак у 1950-х гадах. Злучаныя Штаты ўпершыню далі тады такую зброю сваім саюзнікам па НАТА.
Ідэя ўдзелу Польшчы ў праграме ўжо з'явілася ў публічнай прасторы. Прэзідэнт Анджэй Дуда казаў пра магчымасць далучэння да Nuclear Sharing, у тым ліку, у 2022 годзе.
яс/IAR