Войска польскае запрашае на зборы выхаднога дня. З 6 траўня пачынаецца набор на праграму «Трэніруйся з войскам», якая стартуе ў пяты раз.
Заняткі будуць праходзіць у асобных воінскіх часцях і ВНУ па суботах.
«Бясплатныя заняткі маюць на мэце паказаць удзельнікам, што рабіць, каб адчуваць сябе ў бяспецы», - тлумачыць маёр Міхал Томчык з Аператыўнага цэнтру Міністэрства нацыянальнай абароны. Ён падкрэслівае, што ў гэтым выданні армія будзе сканцэнтравана на навучанні грамадзянскіх асоб паводзінам, якія дапамогуць ім правільна сябе паводзіць у выпадку сігналу трывогі або іншай пагрозы: дзе шукаць сховішча, чаго сцерагчыся і каго слухаць у такіх сітуацыях.
Першыя заняткі пройдуць 11 траўня ў дзвюх выбраных ваенных універсітэтах: ва Уроцлаве ў Акадэміі сухапутных войскаў і ў Варшаве ў Ваенным тэхналагічным універсітэце. Гэта будуць 8-гадзінныя трэніроўкі па рукапашнаму бою з ужываннем стралковай зброі і гранатамётаў, а таксама навучанне прынцыпам аказання медыцынскай дапамогі і паводзінам у крызісных сітуацыях.
Усяго навучанне будзе арганізавана ў дваццаці выбраных падраздзяленнях. У праекце ўдзельнічалі, у тым ліку, 6-я паветрана-дэсантная і 25-я паветрана-кавалерыйская брыгады. Жаўнераў таксама запрашаюць у дывізію ў Шчэцін ці ваенна-марскую акадэмію ў Гдыні.
У папярэдніх выпусках «Трэніруйся з войскам» прынялі ўдзел больш за 23 тысячы чалавек. У апытаннях пасля курсаў больш за 90 працэнтаў удзельнікаў выказалі задавальненне навучаннем.
Усю інфармацыю пра сёлетнюю кампанію можна знайсці на сайце gov.pl у закладках абароны і навучання.
ав