Аднак судовы працэс перанеслі на 16 кастрычніка, а двум расіянам працягнулі да 1 студзеня 2025 года тэрмін утрымання пад вартай.
Адвакаты абвінавачаных хадайнічалі аб пераносе даты пасяджэння, матывуючы гэта тым, што абвінавачанне складаецца з 634 старонак і іх падабаронныя, як і яны самі, не паспелі ўважліва азнаёміцца са зместам і ўзгадніць лінію абароны.
«Я лічу, што калі б мы пачалі працэс на гэтым месцы, мы парушылі б фундаментальнае права абвінавачанага на абарону», — заявіў адвакат Дарыюш Такарчык, ён запэўніў, што часу да 16 кастрычніка дастаткова, каб азнаёміцца з дакументамі і падрыхтаваць абарону.
Адвакаты таксама адзначылі, што іх падабаронныя не атрымалі паведамлення аб даце слуханняў на працягу неабходных 7 дзён пасля гэтага.
Пракурор Томаш Дудэк не пагадзіўся з довадамі абароны, падкрэсліўшы, што падсудныя больш за год ведаюць пра змест прад'яўленых ім абвінавачанняў. На яго думку, яны таксама паспелі азнаёміцца з абвінавачаннем, бо яго копія на рускай мове была дастаўлена ім у неабходны тэрмін - 7 дзён з даты прызначанага пасяджэння.
У выніку суддзя перанесла дату пачатку працэсу на 16 кастрычніка 2024 года.
Да слова, над перакладам абвінавачвання працавалі тры эксперты-перакладчыкі, каб працэс мог пачацца як мага хутчэй. Першапачаткова суд над расіянамі павінен быў пачацца 9 верасня, але быў адменены, бо перакладчыкі не паспелі перакласці абвінаваўчы акт. Тэрмін стрымання пад вартай абвінавачаных заканчваецца 3 кастрычніка. У сувязі з пераносам суда на 16 кастрычніка суд вынес пастанову падоўжыць тэрмін утрымання пад вартай да 1 студзеня 2025 года.
Андрэй Г. і Аляксей Т. былі затрыманыя супрацоўнікамі Агенцтва ўнутранай бяспекі ў жніўні 2023 года ў Варшаве. Нацыянальная пракуратура выставіла ім тры абвінавачанні.
Першае тычыцца вярбоўкі ў Польшчы на забароненую міжнародным правам наймітскую вайсковую службу, вядомую як група Вагнера. Абвінавачаныя нібыта расклеілі ў Кракаве і Варшаве прынамсі некалькі сотняў стыкераў аб рэкрутацыі.
Другое абвінавачанне датычыцца шпіёнскай дзейнасці на карысць разведкі Расійскай Федэрацыі (Службы знешняй разведкі) шляхам правядзення г.зв. гібрыднай вайны з мэтай дэстабілізацыі палітычнай сітуацыі ў Польшчы.
Трэцяе абвінавачанне датычыцца ўдзелу ў арганізаваным узброеным аб'яднанні з мэтай здзяйснення тэрарыстычных злачынстваў.
PA/вх