За апошнія дні супрацоўнікі Падляскага аддзелу памежнай варты зафіксавалі ад 50 да 60 спробаў нелегальнага перасячэння беларуска-польскай мяжы.
У тым ліку былі затрыманыя мігранты, якія змаглі пераадолець мур на мяжы ў ваколіцах: Белавежы, Кузьніцы, Крынак, Міхалова і Чарэмхі. З пачатку года памежнікі прадухілілі больш за 27 тысяч падобных спроб.
Сёння кіраўнік Бюро нацыянальнай бяспекі Яцэк Севера сустрэнецца ў Полаўцах з прадстаўнікамі службаў, адказных за бяспеку ўсходняй мяжы Польшчы. Міністр хоча азнаёміцца з бягучай сітуацыяй у сферы бяспекі і праверыць, як ідуць работы па ўмацаванні памежнай інфраструктуры.
ПР/юл