У Кракаве ахвяраванні падчас дабрачыннай акцыі Вялікі аркестр святочнай дапамогі (WOŚP) будуць збіраць незвычайныя валанцёры. На працягу многіх гадоў падчас фіналу помнік Адаму Міцкевічу на галоўнай плошчы і помнік Вавельскаму цмоку маюць свой ідэнтыфікацыйны бэйдж і скрынку на ахвяраванні. Сёлета да гэтай групы далучыцца «Дама з гарнастаем» — найкаштоўнейшая карціна Леанарда да Вінчы ў польскіх зборах, якая знаходзіцца ў Музеі Чартарыйскіх. Гаворыць кіраўнік кракаўскай сядзібы WOŚP Пётр Блоньскі:
- Каля «Дамы з гарнастаем» будзе стаяць скрынка, у якую можна будзе ўкінуць сваё ахвяраванне. У «Дамы з гарнастаем» будзе свой ідэнтыфікатар, яна будзе валанцёрам. Такім чынам яна далучыцца да помнікаў Міцкевічу і цмоку, збіраючы грошы для аркестра.
Да збору на Галоўнай плошчы далучаюцца знакамітыя кракаўскія мастакі і спартоўцы.
У нядзелю адбудзецца 33-ці фінал Вялікага аркестра святочнай дапамогі. У гэтым годзе WOŚP праходзіць пад лозунгам: «Гуляем на здароўе!» - для дзіцячай анкалогіі і гематалогіі. Галоўная тэма фіналу - бяспека і здароўе дзяцей.
ав