Туск пракаментаваў гэта словамі, што іх «хутчэй за ўсё» прывезлі на мяжу беларусы.
Прэм’ер-міністр Дональд Туск разам з віцэ-прэм’ерам, міністрам нацыянальнай абароны Уладзіславам Касінякам-Камышам і міністрам унутраных справаў і адміністрацыі, каардынатарам спецслужбаў Томашам Сямонякам у суботу наведалі польска-беларускую мяжу.
Рыхтуючыся да прэс-канферэнцыі пасля брыфінгу з камандаваннем, Дональд Туск (ці нехта з яго атачэння) зафіксаваў, як людзі прыбываюць да месца правядзення канферэнцыі, але па беларускі бок мяжы.
Па словах Дональда Туска, гэта былі мігранты, якіх наўмысна даставілі да мяжы менавіта падчас прэс-канферэнцыі.
Прэм'ер-міністр заявіў, што ўлады Беларусі і Расіі нясуць адказнасць за міграцыйны ціск на польска-беларускую мяжу. Ён таксама падкрэсліў, што польскія службы добра спраўляюцца з прадухіленнем спроб перасячэння мяжы.
polskieradio24.pl/вх