Польшча працягне падтрымліваць інтэграцыю Малдовы ў Еўрапейскі Саюз, а ў будучыні – і ў НАТА. Прэзідэнт Анджэй Дуда запэўніў у гэтым падчас сустрэчы ў Варшаве прэзідэнта Малдовы Маю Санду. Лідары пацвердзілі сваё жаданне ўмацоўваць супрацоўніцтва ў галіне міжнародных адносін, эканомікі і бяспекі.
- Грамадства Малдовы моцны падтрымлівае працэс інтэграцыі ў Еўрапейскі Саюз. Жыхары краіны хочуць быць часткай вялікай заходняй супольнасці. Мы, палякі, хочам бачыць Малдовы як у Еўрасаюзе, так і ў будучыні – у НАТА, – сказаў Дуда
Мая Санду падзякавала Польшчы за шматгадовую салідарнасць, дапамогу ў крызісных сітуацыях – пачынаючы ад пандэміі, праз энергетычны крызіс, да падтрымкі бежанцаў – і за актыўнае лабіраванне еўрапейскіх памкненняў Малдовы.
- Вы дапамаглі нашым праваахоўным органам вопытам і абсталяваннем у складаных умовах бяспекі. Вы падтрымалі малдаўскіх прадпрымальнікаў, у тым ліку праз фінансавую дапамогу Польскага банку развіцця для нашых малых і сярэдніх прадпрыемстваў. Нашы эканамічныя сувязі таксама ўмацоўваюцца – гандаль і інвестыцыі пастаянна растуць.
Мая Санду знаходзіцца з афіцыйным візітам у Варшаве.
вс